Bakıda dəhşətli yanğın: Ölənlərin sayı 15-ə çatdı [FOTO + VİDEO + YENİLƏNİB]

0
1697

yangin

Boğulanların hər ikisi azyaşlıdır.

Bakıda yaşayış binasında baş verən yanğında ölənlərin sayı 15 nəfərə yüksəlib.

Moruq.Net Oxu.Az-a istinadən xəbər verir ki, Səhiyyə Nazirliyinin mətbuat xidmətinin rəhbəri Liya Bayramova APA-ya bildirib ki, hadisə nəticəsində 63 nəfər xəsarət alıb.

14:48

Bakıda baş verən binada yanğın nəticəsində ölənlərin sayı 10-a çatıb.

Oxu.Az xəbər verir ki, Səhiyyə Nazirliyinin mətbuat xidmətindən APA-ya verilən məlumata görə, 43 nəfər xəsarət alıb.

43 nəfərdən 24-ü xəstəxanadadır, 9 nəfərə yerində yardım göstərilib.

14:08

Azərbaycan paytaxtında binada baş verən yanğın nəticəsində ölənlərin sayı 6-ya çatıb.

Oxu.Az-ın məlumatına görə, Səhiyyə Nazirliyinin mətbuat xidmətinin rəhbəri Liya Bayramova APA-ya bildirib ki, hazırda ölənlərin kimliyi dəqiqləşdirilir.

Ölənlərdən biri özünü binadan atıb, 2 nəfər isə tüstüdən boğulub. Boğulanların hər ikisi azyaşlıdır.

Onun sözlərinə görə, hadisə nəticəsində 20 nəfər xəstəxanaya yerləşdirilib, 6 nəfərə isə yerində yardım edilib.

12:58

Bakıda binada yanğın baş verməsi nəticəsində iki nəfər ölüb.

Oxu.Az-ın məlumatına görə, Səhiyyə Nazirliyinin mətbuat xidmətinin rəhbəri Liya Bayramova APA-ya bildirib ki, ölənlərdən biri qorxudan özünü binadan atan şəxs, digəri isə azyaşlıdır.

Azyaşlı tüstüdən boğularaq ölüb.

Ölənlərin kimliyi dəqiqləşdirilir.

Hadisə nəticəsində xəsarət alanların sayı isə 15-i ötüb.

Qeyd edək ki, hadisə Binəqədi rayonu, Azadlıq prospekti 200/36 ünvanında qeydə alınıb. Yaşayış binasında baş verən yanğının söndürülməsinə Fövqəladə Hallar Nazirliyinin yanğınsöndürənləri cəlb olunub.

12:27

Oxu.Az-ın hadisə yerində olan əməkdaşının verdiyi məlumata görə, Bakıda Azadlıq prospektində yaşayış binasında baş vermiş yanğın nəticəsində həlak olanlar və yaralananlar var.

Hazırda onların sayı və şəxsiyyəti müəyyənləşdirilir.

Qeyd edək ki, yanğının söndürülməsi üçün hadisə yerinə FHN-nin helikopterləri də cəlb edilib.

11:39

Oxu.Az-ın hadisə yerində olan əməkdaşının verdiyi məlumata görə, hazırda binada yanğının miqyası azalıb, lakin sakinlərdən öz evlərini tərk edə bilməyənlər var.

Hazırda FHN əməkdaşları onların təxliyyə olunması üzrə tədbirlər həyata keçirirlər.

11:11

Bakının Azadlıq prospektində 9 mərtəbəli binada güclü yanğın baş verib.

Oxu.Az xəbər verir ki, bu barədə məlumatı Facebook-da jurnalist Əzizə İsmayılova yerləşdirib.

Bildirilir ki, hadisə yerinə FHN əməkdaşları cəlb olunub. Binanın üzlüyü alışıb.

11295854_10205657326824472_7435922487328631450_n 2 3 4 5 8 14 15 16 17 28 33 110 119 333 1112 1124 1215 1219 1712 111212 10996952_10205858356050989_5383178252161205627_n 11013368_854294394620027_745805556111165012_n 11086671_10205087917371247_947997854_n 11117508_10205181704755003_1407476371_n 11219401_10205657327224482_2469651278617799390_n 11245490_10205657327024477_1291216730404962333_n 11264827_10205657327424487_8495307322967037308_n 11295776_10153372853804668_5204706706319968607_n

FİKRİNİZİ BİLDİRİN

Please enter your comment!
Please enter your name here